Мемлекет басшысы Қасым-Жомарт Тоқаевтың «Халық үніне құлақ асатын мемлекет» тұжырымдамасын іске асыру шеңберінде әрбір әкімдік жұмыстың жаңа сервистік моделіне көшті.
Жаңа талаптарды ескере отырып, 2021 жылғы 31 мамырда Қазақстан Республикасы Үкіметінің Қаулысымен жобалық басқаруды жүзеге асыру қағидалары бекітілді, оған сәйкес салалық қызмет бөлігіндегі жобалардан басқа, барлық мемлекеттік органдар үшін орындалуы міндетті төртінші үлгілік базалық бағыт айқындалды.
Бұл ретте, Қызылорда қаласы әкімінің аппарат басшысы, әдеп жөніндегі уәкіл – ретінде ай сайынғы мемлекеттік қызметшілермен бірге өткізілетін жиналыста сыбайлас жемқорлық тәуекелдерінің алдын алу – мемлекет саясатындағы басым бағыттардың бірі екендігін жеткізіліп, Республика көлемінде іске асырылып жатқан «№ 4 Үлгілік базалық бағыты» жобасының негізгі бағыттары түсіндіріліп келеді.
«Бармақ басты әрекеттердің жолын кесуге бағытталған бұл жоба ішкі талдау жұмыстарын жүргізу арқылы сыбайлас жемқорлық тәуекелдерін анықтау, анықталған сыбайлас жемқорлықты жою, сыбайлас жемқорлыққа қарсы мәдениетті қалыптастыру және квазимемлекеттік секторларда комплаенс қызметін дамытуды көздейтін негізгі 4 бағыттан тұрады. Жобаның жүйелі жүзеге асырылуы сыбайлас жемқорлық тәуекелдерінің туындау себептерін анықтауға, жолын кесуге және таза ортаны қалыптастыруға бүкіл қоғамды жұмылдыруға оң ықпалын тигізері хақ».
« № 4 Үлгілік базалық бағыты» шеңберінде сыбайлас жемқорлықтың алдын алу бағытында, мемлекеттік органдар мен квазимемлекеттік сектор жұмысын ұйымдастырудың сапасын арттыруға мүмкіндіктер ашылуда.
Сыбайлас жемқорлыққа қарсы күрес жолында осы бағыттағы жүйелі әрі табанды шараларға байланысты екені анық.
Егер де Қызылорда қаласы әкімдігіне қарасты мемлекеттік қызметшілердің арасында сыбайлас жемқорлыққа қатысты мәселе туындаған жағдайда, Өз тарапымнан талқылауға дайын екендігімді білдіремін.
Б.Ахмет
Қала әкімі аппаратының басшысы, әдеп жөніндегі уәкіл