Мен өмірді қалаймын! Өмір – бұл біздің ең қымбат байлығымыз. Әр күн бізге жаңа мүмкіндік, жаңа жол және жаңа арман әкеледі. Өкінішке орай, кейбір жастар нашақорлыққа немесе құмар ойындарға беріле отырып, өз өмірін құртуға бейім болады. Бірақ шын мәнінде, өмір – бұл жеңіске жетудің, достықтың, шығармашылықтың және бақыттың қайнар көзі.
Мен өмірді қалаймын? Бұл сұрақты өзіме жиі қоямын. Әр жауап бір-біріне ұқсас болса да, әр кез жүрегімнен жаңа ой шығады. Мен өмірді жарық, мағыналы, мақсатқа толы етіп сүргім келеді. Әр таңды үмітпен қарсы алып, әр кешті бір қадам алға жылжығаныммен аяқтағым келеді.
Мен үшін өмір — ең алдымен арман. Адам армансыз алысқа бармайды. Арман мен мақсат — менің жүрегімді алға жетелейтін шамшырағым. Болашақта жақсы маман иесі болып, ата-анамның үмітін ақтағым келеді. Тек өзім үшін емес, айналам үшін де пайдасы бар адам болғым келеді. Көмекке зәру жанға қол ұшын соза алатын, мейірімді, адал азамат болу — менің басты мақсатым.
Мен өмірді таза күйінде қалаймын. Зиянды әдеттерсіз, әсіресе нашақорлық атаулыдан аулақ өмірді. Нашақорлық — адамның арманын ұрлайтын, ойы мен жүрегін тұмшалайтын қара тұман сияқты. Ондай түнекке ену — өз болашағыңды өз қолыңмен жою. Мен ондай өмірді қаламаймын. Мен саналы, еркін, дені сау, рухы мықты өмірді қалаймын.
Мен өмірді еңбекпен елестетемін. Әр жетістікке тер төгіп жетуді, өз қабілетімді дамытуды, өзімді жақсы жаққа өзгертуді қалаймын. Кеше жасаған қателігімді бүгін түзеп, ертең одан да жақсы болсам деймін. Бұл — менің ең үлкен арманым.
Өмір маған бір рет қана беріледі. Сондықтан мен оны босқа өткізбей, жақсы істерге толы, мәнді де сәнді етіп өткізуді қалаймын. Адал достарым, білімге толы күндерім, қуанышты сәттерім көп болсын деймін. Ең бастысы — денсаулық, тыныштық, бақыт пен бейбіт өмір.
Өмір — өз жолыңды таңдай білу. Ал менің жолым — арманыма, мақсаттарыма, таза және мағыналы өмірге бастайтын жол. Мен дәл осындай өмірді қалаймын.
Нашақорлық адамға тек зиян әкеледі: ол денсаулықты, болашақты, тіпті отбасын да бұзады. Құмар ойындар да адамды қиын жағдайға қалдырады. Сол себепті әрбір жас өз өміріне жауапкершілікпен қарап, дұрыс таңдау жасауы керек. Мен өмірді қалаймын, өйткені мен армандаймын. Мен армандаймын, өйткені өз болашағымды өзім құруға құқым бар. Мен өмірді қалаймын, өйткені әрбір күн – жаңа мүмкіндік, жаңа жетістікке жету қадамы. Өзімізді қорғау, дұрыс шешім қабылдау және позитивті ортада болу – бұл нағыз күш пен өмірге деген сүйіспеншіліктің белгісі. Біздің өміріміз бағалы, оны қорғау – басты парызымыз. Сондықтан мен өмірді қалаймын және оны тек қана жақсылыққа, бақытқа және шығармашылыққа арнаймын.
Мен өмірді қалаймын
Өмірімді сүйемін, әр күн – менің ақ таңым,
Қиындыққа мойымаймын, жолым ашық арманым.
Нашақорлыққа жол жоқ, міне менің таңдауым –
Достық, білім, шаттық менің қолдауым.
Жүрегімде баға жетпес тоқтауым.
Армандарым биік, жарқын мәңгі жанарым,
Қуаныш пен шаттық аппақ жолдарым
15.11.2025 жыл.
Шиелі ауданы, Нартай ауылы №156 Н. Бекежанов атындағы
орта мектебінің 8 А сынып оқушысы
Сардарбек Шұғыла Дәуренқызы
Сынып жетекшісі: Купешова Салтанат Базарбаевна