Бүгінгі күні ақпараттық технологиялар әлемінде цифрлық сауаттылық өмірдің ажырамас бөлігіне айналды. Цифрлық сауаттылықты дамыту ақпараттық технологиялар дәуірінде еліміздің тұрақты дамуын қамтамасыз етудің негізгі факторы болып табылады. Әсіресе, Қазақстанда цифрлық сауаттылық мәселесі өзекті және ерекше назар аударуды талап етеді.
«Өрлеу» Қызылорда облысы бойынша филиалында «Цифрлық келешек және ұлттық құндылықтар» тақырыбында информатика пәні мұғалімдеріне арналған вебинар өтті. Вебинар жұмысы мұғалімдердің зерттеу қызметтері мен практикалық форматтарда цифрлық технологиялардың ұлттық құндылықтар мен мәдениетке әсері туралы хабардарлығын арттыру және цифрлық білім берудің тиімділігі мен өзектілігін көрсету мақсатында өткізілді.
Вебинар барысында білім беруді цифрлық трансформациялау ұлттық бірегейлік пен құндылықтарды сақтау үшін жаңа мүмкіндіктер ұсынатындығы баяндалды. Сонымен қатар отандық мектептерде цифрлық болашақ пен ұлттық құндылықтарды үйлесімді үйлестірудің бірінші қадамы – бұл елдің мәдени мұрасы мен тарихын көрсететін білім беру бағдарламалары мен контенттерін әзірлеу болғандықтан, осындай цифрлық контенттерді әзірлеу құралдарын, платформаларды, сервистерді пайдалану әдістерінің маңыздылығы талқыланды.
Мұғалімдердің ақпараттық сауаттылығын дамытуға, шығармашылық идеяларды іске асыруға және өзіндік білімін көтеруге мүмкіндік беретін мазмұнды шаралар алдағы уақытта жалғасын таппақ.
«Өрлеу» Қызылорда облысы бойынша филиалының баспасөз қызметі