Қазақстан Республикасының Ішкі істер министрлігінің 31.03.2025 жылғы №1-5-5-9-98/1487-И нұсқауына сәйкес, сондай-ақ 2025 жылдың 5 айының қорытындысы бойынша отбасы-тұрмыстық қарым қатынастар саласында жасалған қылмыстар өсім алғандығын ескеріп, отбасы-тұрмыстық қарым қатынастар саласында жасалған қылмыстарды алдын алу, болдырмау мақсатында қала көлемінде2025 жылғы 05-15 маусым аралығында «Отбасы» жедел-профилактикалық іс-шарасы өткізілуде.
Іс-шараның негізгі мақсаты – «Тұрмыстық зорлық-зомбылықтың алдын алу туралы» және «Құқық бұзушылық профилактикасы туралы» Заңдарының талаптарын орындау мақсатында отбасы тұрмыстық қарым-қатынастар саласындағы құқық бұзушылықтар мен қылмыстарды ескерту және алдын алу, қылмыс пен құқық бұзушылыққа бейім тұлғаларға қатысты қорғау нұсқамасын шығару, ерекше талап белгілеу, профилактикалық есепте тұратын адамдармен профилактикалық жұмыстарды ұйымдастыру, сондай-ақ, ақпараттық-насихаттау болып табылады.
Іс-шараға сәйкес, Қызылорда қалалық Полиция басқармасы Жергілікті полиция қызметі бөлімі күшейтілген тәсілде жұмыстар атқаруды. Қазіргі таңда отбасылық-тұрмыстық зорлық-зомбылықтың алдын алу бағытында Учаскелік полиция инспекторлары, Ювеналды полиция бөлімшесі, Отбасылық-тұрмыстық зорлық-зомбылыққа қарсы күрес қызмет бөлімшесінің қызметкерлері БАҚ-дарымен бірлесе отырып,ҚР «Тұрмыстық зорлық-зомбылықтың алдын алу туралы занының 20-бабын басшылыққа ала отырып, құқық қорғау органдарының профилактикалық тізімдік есебіне «Қорғау нұсқамасы» шығарылған, сотпен мінез-құлқына «Ерекше талап» белгіленген, «Қолайсыз отбасы» санытымен алынған тұлғалардың тұрғылықты мекен-жайлары тексеріліп, профилактикалық түсіндірме жұмыстары жүргізіліп, рейдтік іс-шаралыр ұйымдастырылуда.
ҚР-ның 2009 жылғы 4-желтоқсандағы тұрмыстық зорлық-зомбылық профилактикасы туралы Заңына сәйкес, Тұрмыстық-зорлық-зомбылық отбасы тұрмыстық қатынастар аясында бір адамның басқаға басқаларға қатысты дене зардабын және психикалық зардап келтіретін немесе келтіру қауіпі бар құқыққа қарсы қасақана әрекеті ( іс әрекеті немесе әрекетсіздігі) болып саналады. Соның ішінде, психологиялық зорлық-зомбылық – адамның писхикасына қасақана әсер ету, оны қорқыту, қорлау, бопсалау немесе құқық бұзушылықтарды немесе өмірге немесе денсаулыққа қауіп төндіретін, сондай-ақ психикалық, дене және жеке басы дамуының бұзылуына әкелетін әрекеттерді жасауға мәжбүрлеу арқылы ар-намысы мен абыройын кемсіту. Қазіргі таңда діни ағымды ұстанатын отбасында психологиялық зорлық-зомбылық көрсету әрекеті байқалады. Діни ағымды ұстанушы тұлға өзінің жұбайына: «намазың қабыл болмайды», «жаннатқа кірмейсің», «»ерінің разылығын алмаған адамның құлшылығы қабыл болмайды т.с.с сөздермен қысым көрсетіп, жәбірленушінің психикалық денсаулығының бұзылуына әкелетін әрекет жасаған.
Отбасылық-тұрмыстық зорлық-зомбылыққа қарсы күрес қызмет бөлімшесімен мұндай жағдай орын алған агрессормен және жәбірленушімен жеке қабылдау өткізіліп, отбасы құндылықтары азаматтың жеке құқығы туралы түсіндірме жұмысы жүргізіліп, психологиялық кеңес беріліп жатыр.
Осы орайда, Қызылорда қалалық полиция басқармасы ескертеді!
Құрметті қала тұрғындары Зорлық-зомбылық бір басталса өздігінен доғарылмайды. Сіз немесе сіздің жақындарыңыз тұрмыстық зорлық-зомбылыққа тап болса, төменде көрсетілген телефон нөмірлеріне хабарласып, көмекке жүгіне аласыз!
Сенім телефоны:«111»
Қызылорда қалалық полиция басқармасы: «102»
Жәйсіз күйде қалған әйел азаматшаларға дағдарыс орталықтарының нөмірлері:
«Самұрық» инновациялық идеяларды дамыту орталығы қоғамдық қоры: 8-777-340-87-34; 8-707-159-35-51
«Жан» дағдарыс орталығы: 8(7242)-27-14-73
«Аналар Үйі» қоғамдық қоры: 8-800-080-77-71
Қызылорда ҚПБ ЖПҚб Отбасылық-тұрмыстық зорлық-зомбылыққа қарсы күрес қызмет бөлімшесінің бастығы полиция майоры Ерболат Айгерім