Құрметті жастар, достар!
Бүгін біз барлығымыз үшін аса маңызды әрі қауіпті мәселеге назар аударғалы отырмыз ол – есірткі. Есірткі – бұл тек жеке адамның ғана емес, бүкіл қоғамның, отбасының, ұлттың болашағына қауіп төндіретін қатер. Есірткіге тәуелділік – бұл өмірді, денсаулықты, көңіл-күйді, отбасы мен қоғамды бұзатын жойқын күш. Әрқайсымыз есірткіге қарсы күреске өз үлесімізді қосуымыз керек. Бұл күрес тек құқық қорғау органдарының ғана емес, біздің ортақ міндетіміз. Біз бірлесе отырып, есірткіге қарсы тұруымыз қажет.
Болашақ – жастардың қолында! Біз – қоғамның жаңа буынымыз.Бізге елдің ертеңі мен ұлттың болашағы тәуелді.Сол себепті біз дұрыс таңдау жасап, еліміздің ертеңіне жауапкершілікпен қарауымыз керек.Біздің әрбір шешіміміз бен таңдауымыз өте маңызды. Қазіргі таңда жастардың болашағына кері әсер беретін бұл мәселе бүкіл қоғамның дерті.
Есірткі – адамның өмірін, арманын ұрлайтын ең үлкен қауіп.Ол тәннің ғана емес жанның да ауыртпалығы.Қазіргі таңда көптеген жастарымыз осы қауіптің құрбаны болып, өз болашағын жоғалтып, жақындарын қасіретке ұшыратып отыр.Бір сәттік ләззат үшін денсаулығын, білімін, арманын жоғалтуда.Оған деген тәуелділік қайғы мен азап әкеліп, бір ғана адамның емес отбасы мен қоғамның үлкен дертін туғызуда.
Өмірде әрбір адам өз таңдауын жасайды.Біз салауатты өмір салтын таңдап, өз арманымызға жету үшін бар күш – жігерімізді салуға тиіспіз. Арман – мақсаттарымызды құрып, сол жолда тынбай еңбек ету бізге де, болашаққа да пайдасы бар әрекет.
Есірткіге қарсымыз! Біздің болашағымыз – өз қолымызда! Әр жас буын есірткіге қарсы күресіп, қоғамымызды, отбасымызды және өзімізді қорғауымыз керек. Сондықтан есірткіге «жоқ» деп, өзіміздің мақсаттарымызға жету үшін әрекет етіп, еліміздің жарқын болашағына үлес қосайық! Есірткісіз өмірді таңдайық! Денсаулықты сақтайық, болашағымызды жарқын етейік! Өз таңдауыңды жасап, есірткіден бас тарт, болашақтың иелері.
#есірткіге қарсы#
Жасмин КӘРІБОЗҚЫЗЫ,
Қызылорда облысы
Қармақшы ауданы
№185 орта мектебі10 сынып оқушысы